ქუთაისში, აგვისტოს ომში დაღუპულთა მემორიალი გვირგვინით შეამკეს. ადგილობრივი ხელისუფლების წარნომადგენლებმა და მოქალაქეებმა ომში დაღუპულთა სულებს პატივი მიაგეს. გარდაცვლილთა სულის მოსახსენიებლად მემორიალთან პარაკლისი გადაიხადეს. 

„2008 წლის რუსეთ-საქართველოს ომის დაწყებიდან დღეს 10 წელი გავიდა, 8 აგვისტო ომში დაღუპულთა ხსოვნის დღეა. ამ დღეს კიდევ ერთხელ მივაგებთ პატივს ჩვენს გმირებს, რომლებმაც ყველაზე მეტი გაიღეს სამშობლოსათვის. მათ არასოდეს დაივიწყებს ქართველი ხალხი“- განაცხადა ქუთაისის მერმა გიორგი ჭიღვარიამ. 

მემორიალთან ასევე მოეწყო აგვისტოს ომის ამსახველი ფოტო გამოფენა.