აქტიურად მიმდინარეობს გზის საფარის სარეაბილიტაციო სამუშაობი ტაბიძის ქუჩაზე. წესრიგდება სანიაღვრე და საფეხმავლო ბილიკები.

სამუშაოებს, რომლის ღირებულებაც 1 მლნ ლარზე მეტია, ტენდერში გამარჯვებული შპს ,,ჯეო სერვისი" ახორციელებს.

ასევე გზის საფარი იგება ნ.ლორთქიფანიძის ქუჩაზე, სადაც სამუშაოებს შპს "მშენებელი" ახორციელებს, ქუჩის რეაბილიტაციისთვის 244 884.8 ლარი დაიხარჯება.
"აღნიშნულ ქუჩებზე სამუშაოები აქტიურ ფაზაშია. როგორც ტაბიძის, ასევე ლორთქიფანიძის ქუჩაზე, მოუწესრიგებელი გზის საფარი მოსახლეობას დიდი ხნის განმავლობაში პრობლემებს უქმნიდა. სულ მალე ჩვენ რეაბილიტირებულ და კომფოტულ ქუჩაზე გადაადგილებას შევძლებთ."- განაცხადა ქუთაისის მერმა გიორგი ჭიღვარიამ.