English
ქუთაისში მოსწავლეთა შემოქმედებითი ოლიმპიადაში გამარჯვებულები დააჯილდოვეს.
მოსწავლეთა შემოქმედებითი ოლიმპიადა ქუთაისის მერიის დაფინანსებით, მერიის კულტურის, სპორტის, განათლებისა და ახალგაზრდობის საქმეთა სამსახურის და ა(ა)იპ „კულტურულ, სახელოვნებო, საგანმანათლებლო დაწესებულებათა გაერთიანების“ განათლების განყოფილების ორგანიზებით, 2015 წლიდან ტარდება.
მოსწავლეთა შემოქმედებითი ოლიმპიადის მიზანია შემოქმედებითი უნარების მქონე მოსწავლეთა წარმოჩენა და მათი წახალისება. ოლიმპიადა ჩატარდა შემდეგ ჟანრებში : ქართული ესტრადა, ქართული ხალხური სიმღერა, ზეპირსიტყვიერება, სახვითი და გამოყენებითი ხელოვნება.
საპრიზო ადგილებზე გასულ მოსწავლეებს ფულადი ჯილდო, გამარჯვების დამადასტურებელი სიგელები და მოსწავლეთა შემოქმედებითი ოლიმპიადისთვის დაწესებული სპეციალურ პრიზები გადაეცათ.
„წელს უკვე მეცხრედ ჩავატარეთ მოსწავლეთა შემოქმედებითი ოლიმპიადა.
ქუთაისი დიდი კულტურული ტრადიციების ქალაქია და აქ რომ საუკეთესოდ გაღიარონ ხელოვნების სხვადასხვა ჟანრში, მართლაც განსაკუთრებული და გამორჩეული უნდა იყო. სწორედ ასეთი გამორჩეულები დავაჯილდოვეთ დღეს.
ვულოცავ ოლიმპიადის გამარჯვებულებს და მონაწილეებს ამ წარმატებებს!
მჯერა, მათ კიდევ ბევრჯერ შევხვდებით ქუთაისის კულტურული ცხოვრების ასპარეზზე!“- განაცხადა ქუთაისის მერმა იოსებ ხახალეიშვილი.