ქალაქ ქუთაისის მუნიციპალიტეტის მერიის კულტურის, სპორტის, განათლების და ახალგაზრდობის საქმეთა განყოფილება აცხადებს ცნობილი ქუთაისელი ფოტოგრაფის ილო ხახიაშვილის შესახებ  ბიოგრაფიული წიგნის  „ილო ფოტოგრაფი“ შედგენის კონკურსს, რომელიც ეძღვნება ცნობილი ფოტოგრაფის ილო ხახიაშვილის 85 წლის და ფოტოკონკურს „ილოს“ 15 წლის იუბილეს. 

    კონკურსის მიზანია ცნობილი ქუთაისელი ფოტოგრაფის ილო ხახიაშვილის ცხოვრებისა და მოღვაწეობის ამსახველი წიგნის შედგენა.
ავტორმა უნდა შეავსოს დადგენილი ნიმუშის განაცხადი.
წარმოადგინიოს პირადობის მოწმობის ქსეროასლი; CV.
წარმოადგინოს გამოსაცემი წიგნის ელექტრონული ვერსია.
ტექსტი აკრებილი უნდა იყოს Sylfaen-ში, pdf  ფორმატში, 12 შრიფტით. წიგნი უნდა იყოს ა4 ფორმატის, შავ-თეთრი, არანაკლებ  160 გვერდი ფოტომასალით.(როგორც ილოს მიერ გადაღებული ფოტიები, ასევე ფოტოები ილოს საოჯახო ალბომიდან).
საკონკურსო ნამუშევრების მიღების ბოლო ვადაა: 2021 წლის 30 სექტემბრის 18:00 სთ.
საკონკურსო წიგნი განაცხადთან ერთად გადმოგზავნილი უნდა იყოს ელექტრონული ფორმით ქუთაისის მერიის ელ.ფოსტაზე:  contact@kutaisi.gov.ge