სასკოლო კლუბების ინიციატივების განხორციელება:

•ხელს შეუწყობს მოსწავლეების აკადემიურ, სოციალურ და ფსიქოლოგიურ   განვითარებას.

•გაზრდის მოსწავლეთა ჩართულობას სამოქალაქო აქტივობებში.

• ხელს შეუწყობს მოსწავლეებში ორგანიზაციული უნარების ჩამოყალიბებას. 

• მისცემს მოსწავლეებს თვითრეალიზაციის საშუალებას. 

• აამაღლებს მოსწავლეთა ჩართულობას სასკოლო აქტივობებში და ხელს შეუწყობს სასკოლო ცხოვრების გამრავალფეროვნებას .

• ხელს შეუწყობს  მოსწავლეთა ჩართულობას ადგილობრივ თვითმმართველობაში.

ქალაქ ქუთაისის მუნიციპალიტეტის მერია "სასკოლო კლუბების ინიციატივების" ფარგლებში დააფინანსებს ქუთაისის მუნიციპალიტეტის  ტერიტორიაზე არსებული საჯარო და კერძო სკოლების მიერ წარმოდგენილ საგანმანათლებლო, საზოგადოებრივი, შემოქმედებითი და სპორტული მიმართულების ინიციატივებს. თითოეული სკოლიდან განიხილება მხოლოდ ერთი ინიციატივა.

დაფინანსების მაქსიმალური ოდენობა შეადგენს 2000 ლარს.

 აპლიკაციების შერჩევისას უპირატესობა მიენიჭებათ იმ აპლიკანტებს, რომლებიც:

• წარმოადგენენ პროექტის განაცხადს სრული, ორგანიზებული და თანმიმდევრული ფორმით;

• დამაჯერებლად დაასაბუთებენ პროექტის ეფექტურობას;

•ჩართავენ თავიანთ აქტივობებში საზოგადოების სხვადასხვა ფენებს;

კონკურსში მონაწილეობის მსურველებს ინიციატივების წარმოდგენა შეუძლიათ ქალაქ ქუთაისის მუნიციპალიტეტის მერიაში 2023 წლის  6 დეკემბრამდე.

დამატებითი ინფორმაციისათვის დაგვიკავშირდით:

მისამართი: ქ. ქუთაისი, შ.რუსთაველის გამზ №3.

ტელ:  598101060 სალომე ფუტკარაძე.