ქუთაისი ტაეკვონდოში იმერეთის ღია საერთაშორისო ტურნირს მასპინძლობს. შეჯიბრებები სხვადასხვა ასაკობრივ კატეგორიაში ეწყობა. მასში 350-ზე მეტი სპორტსმენი საქართველოდან, აზერბაიჯანიდან, ყაზახეთიდან და სომხეთიდან მონაწილეობს.

ტურნირის გახსნის ცერემონიას იმერეთში სახელმწიფო რწმუნებული ზვიად შალამბერიძე, ქუთაისის ვიცე-მერი დავით ერემეიშვილი, საქართველოს ტაეკვონდოს ეროვნული ფედერაციის პრეზიდენტი თეიმურაზ მღებრიშვილი და იმერეთის ფედერაციის პრეზიდენტი ვლადიმერ ჯღამაძე დაესწრნენ.

ტურნირი 14 აპრილს დასრულდება.