ქუთაისში ევროპის ორგზის ჩემპიონის აკაკი კიბორძალიძისა და ოლიმპიური ჩემპიონის დავით ხახალეიშვილის ხსოვნისადმი მიძღვნილი საერთაშორისო ტურნირი გაიმართა ძიუდოში.

 ტურნირის გახსნას ქუთაისის მერი იოსებ ხახალეიშვილი და საკრებულოს დეპუტატი, სპორტისა და ახალგაზრდობის კომისიის ხელმძღვანელი ბექა ქებულაძე დაესწრნენ.

ტურნირი ორდღიანი იყო და ის ქუთაისის სპორტის სასახლეში ჩატარდა. საერთაშორისო ტურნირში სპორტსმენები მონაწილეობდნენ როგორც საქართველოს სხვადასხვა ქალაქიდან, ასევე, თურქეთიდან და აზერბაიჯანიდან.

პირველ, მეორე და მესამე ადგილზე გასული გუნდები და სპორტსმენები შესაბამისი ხარისხის მედლებით, დიპლომებითა და თასებით დაჯილდოვდნენ.