ქუთაისის მუნიციპალიტეტის მერია იწყებს მონაწილეთა შერჩევას „ზაფხულის ლიდერთა სკოლაში“
„ზაფხულის ლიდერთა სკოლის“ მიზანია შექმნას გარემო, რომელიც ხელს შეუწყობს ახალგაზრდების პიროვნულ განვითარებას, მათი შესაძლებლობებისა და ლიდერული პოტენციალის მაქსიმალურად გამოვლენას.
პროექტის ამოცანებია:
•    ლიდერული პოტენციალის მქონე ახალგაზრდების აღმოჩენა;
•    ლიდერული უნარების განვითარება და გაძლიერება;
•    სოციალურად აქტიური ახალგაზრდის იმიჯის ჩამოყალიბება;
•    ინიციატივების და პროექტების შექმნა, რომლებიც მიზნად ისახავს მუნიციპალიტეტში არსებული მნიშვნელოვანი საკითხების გადაჭრას.
თემატიკა:
1️ მოხალისეობა — რა არის და რა ფორმები აქვს? როგორ შევიტანოთ ცვლილება საკუთარი ძალით?
2️ სამოქალაქო ჩართულობა და დემოკრატია —
* აქტიური მოქალაქეობის პრინციპები
* ადამიანის უფლებები
* ახალგაზრდების როლი გადაწყვეტილებების მიღებაში
3️ მომავლის უნარები —
* ეფექტური CV და სამოტივაციო წერილის მომზადება
* საჯარო გამოსვლის და პრეზენტაციის ხელოვნება
📅 დრო და ფორმატი

„ზაფხულის ლიდერთა სკოლა“ გაიმართება საქართველოს ერთ-ერთ კურორტზე, ორი ნაკადად:
•    თითოეულ ნაკადში მონაწილეობას მიიღებს 32 ახალგაზრდა და 8 თანამშრომელი;
•    თითოეული ნაკადის ხანგრძლივობა: 6 დღე / 5 ღამე;
•    ასაკი: 17-დან 29 წლამდე, ქუთაისში რეგისტრირებული ახალგაზრდები.
📌 განაცხადების მიღების ვადები:

11 აგვისტო – 18 აგვისტო, 18:00 საათამდე.

პირველი ნაკადი: 27 აგვისტო – 1 სექტემბერი

მეორე ნაკადი: 1 სექტემბერი – 6 სექტემბერი

სააპლიკაციო ფორმა იხილეთ ბმულზე :  https://forms.gle/e2udkjb5tSpm62JX7