ცხელი ხაზი:(0431) 24-26-51 ან 595250309

სტიქიითა დაზარალებულ მოსახლეობას ქუთაისში გადასახურ მასალებს გადასცემენ

1 დეკემბერი, 2018

ქუთაისის მერმა  ჭავჭავაძის  N 49 კორპუსის მაცხოვრებლებს გადასახური მასალა ინფრასტრუქტურისა და რეგიონული განვითარების სამინისტროს წარმომადგენლებთან ერთად მიუტანა. ძლიერი ქარმა აღნიშნული კორპუსი სახურავის გარეშე დატოვა. 

სამინისტროსა და ადგილობრივი თვითმმართველობის  წარმომადგენლების განცხადებით, უკვე ხვალიდან დაიწყება მოსახლეობისთვის გადასახური მასალის დარიგება რათა დროულად მოხდეს ყველა დაზიანებული ბინისა თუ კორპუსის გადახურვა და დამატებითი პრობლემები არ შეექმნას ადგილობრივ მოსახლეობას უამინდობისას.

კორპუსების გადასახური მასალას და მის სამონტაჟო სამუშაოებს სრულად ინფრასტრუქტურისა და რეგიონული განვითარების სამინისტრო აანაზღაურებს.

რაც შეეხება კერძო სახლებს, მესაკუთრეთა გადასახური მასალით უზრუნველყოფა მოხდება.

,,დღეს ჭავჭავაძის 49 ნომერში მოვიტანეთ გადასახური  მასალის ნაწილი და ხვალიდან უკვე ყველა მასალა ადგილზე იქნება.  დაიწყება გადასახური მასალების გადაცემა იმ მოსახლეობისთვის, რომლებიც სტიქიის შედეგად დაზარალდნენ და სახლის სახურავის გარეშე დარჩნენ. 24 საათიან რეჟიმში ვმუშაობთ რათა დროულად მოხდეს რეაგირება ყველა ფაქტზე და მოსახლეობამ რაც შეიძლება მალე მიიღოს გადასახური მასალა,"-განაცხადა ქუთაისის მერმა გიორგი ჭიღვარიამ.

გააზიარე