ცხელი ხაზი:(0431) 24-26-51 ან 595250309

ქუთაისში ღვაწლმოსილი პედაგოგები დააჯილდოვეს

30 ოქტომბერი, 2020

ქუთაისში ღვაწლმოსილი პედაგოგები დააჯილდოვეს. მასწავლებელთა საერთაშორისო დღისადმი მიძღვნილი ღონისძიება ყველა წესისა და რეგულაციის დაცვით, ღია სივრცეში, მესხიშვილის თეატრის „მწვანე სცენაზე“ გაიმართა. ქუთაისის თვითმმართველობის გადაწყვეტილებით, 85 წარმატებულ პედაგოგს მადლობის სიგელი და ფულადი ჯილდო გადაეცა. ამასთან , ექვსი ღვაწლმოსილი პედაგოგი „ამაგდარის“ სამკერდე ნიშნით დაჯილდოვდა. შეხვედრაზე პედაგოგებს მისასალმებელი სიტყვით ქუთაისის მერის მოვალეობის შემსრულებელმა დავით ერემეიშვილმა, სახელმწიფო რწმუნებულის მოადგილემ ლევან კიკნაველიძემ და საკრებულოს თავმჯდომარის მოვალეობის შემსრულებელმა ირაკლი შენგელიამ მიმართეს. სამახსოვრო ჯილდოები პედაგოგებს მერის მოადგილემ ირაკლი ქარქაშაძემ, მერიის ადმინისტრაციული სამსახურის უფროსმა პეტრე ადამაძემ და კულტურისა და განათლების განყოფილების უფროსმა მაია მურუსიძემ გადასცეს.

გააზიარე