ცხელი ხაზი:(0431) 24-26-51 ან 595250309

ქუთაისში 12 ახალი სპორტული ტრენაჟორი ეწყობა

25 ივნისი, 2020

ქუთაისში მარტივი ტიპის სპორტული მოედნების მოწყობა გრძელდება, სადაც მონტაჟდება სხვადასხვა ტიპის ტრენაჟორები. მიმდინარე წელს ამ ტიპის ტრენაჟორები 12 ახალ ადგილზე დაიდგმება. სამუშაოებს ტენდერში გამარჯვებული კომპანია "ჯეო პარკი" ახორციელებს, რისთვისაც ადგილობრივი ბიუჯეტიდან 235 ათასი ლარია გამოყოფილი. სპორტული ტრენაჟორების მონტაჟის პროცესს ქუთაისის მერი მოვალეობის შემსრულებელი დავით ერემეიშვილი , მერიის საბინაო სამსახურის უფროსთან ჯონი არაბიძესთან და მერიის ადმინისტრაციული სამსახურის უფროსთან პეტრე ადამაძესთან ერთად გაეცნო. „კარგი საჩუქარი გაგვიკეთა მერიამ, ბავშვები საყვარელი ადგილი გახდება დღეიდან, ძალიან გაგვილამაზეს ეს ადგილი და მადლობელი ვართ“- განაცხადა გამარჯვების ტერიტორიულ ერთეულში მცხოვრებმა მოქალაქემ ირინა მაისურაძე. ქუთაისში 2015 წლიდან დღემდე 60 სპორტული ტრენაჟორი დამონტაჟდა. მსგავსი პროექტის განხორციელება მომავალ წელსაც იგეგმება.

გააზიარე